Uko wahagera

Umuntu wa Mbere wa COVID-19 Muri Sudani y’Epfo


Ingenzi zipimwa ubushuhe ku kibuga c'indege mpuzamakungu i Juba, muri Sudani y'Epfo, kw'italiki 31/03/2020.

Sudani y’epfo, yatangaje umuntu wayo wa mbere wemejweho Covid-19. Ni umugore ufite imyaka 29 y’amavuko, winjiye mu gihugu kw’italiki ya 28 y’ukwezi kwa kabiri, aturutse mu Buholandi anyuze Addis Abeba muri Etiyopiya.

Ibiro by’intumwa za ONU muri Sudani y’epfo, UNMISS, byavuze ko ari umukozi wa ONU wari umaze hafi ibyumweru bitanu mu gihugu.

Guverinema hamwe n’abategetsi ba ONU, babwiye abanyamakuru uyu munsi ku cyumweru ko barimo gushakishiriza hafi abantu baba barahuye nawe.

UNMISS ivuga ko mu byumweru hafi bibiri bishize, yashyize mu kato abantu 150 bari bageze muri Sudani y’epfo mu ndege yururukiye i Juba, mbere y’uko ikibuga mpuzamahanga cyaho gifungwa.

Abenshi mu bashyizwe mu kato nta bimenyetso bya Virusi ya Corona bagaragaje, cyakora ababarirwa muri mirongo, baracyari ahantu ha bonyine mu buryo bwo guteganya.

Riek Machar visi perezida wa mbere wa Sudani y’epfo n’uwungirije umuyobozi wo ku rwego rwo hejuru ushinzwe kurwanya COVID-19 mu gihugu, bavuze ko abategetsi barimo gukurikiranira ibintu hafi.

Machar yavuze ko uwo muntu wanduye yagaragaje ibimenyetso birimo umuriro, inkorora, kumeneka umutwe no kudahumeka neza, ubwo yari ku kigo nderabuzima cya ONU kw’italiki ya kabiri y’uku kwezi kwa kane. Ibipimo bya kabiri byaje bihamya ko uwo muntu arwaye COVID-19.

Sudani y’epfo yafunze imipaka yayo n’ikibuga cy’indege Juba International Airport kw’italiki ya 23 y’ukwezi kwa gatatu.

Abategetsi muri guverinema bashyizeho amasaha y’umukwabu mw’ijoro. Machar avuga ko hazakenerwa izindi ngamba, igihe ibintu bitagenda neza.

Facebook Forum

XS
SM
MD
LG