Uko wahagera

Perezida Trump Yapimwe Virusi ya Corona


Perezida Donald Trump

Perezida Donald Trump wa Leta zunze ubumwe z’Amerika yipimishije virusi ya corona.

Ibi yabitangarije mu kiganiro n’abanyamakuru nyuma yuko akomeje kotswa igitutu ngo yipimishe kuko hari abantu byamaze kumenyekana ko banduye yabonetse yifotoranya nabo ndetse akanabakora mu ntoki.

Perezida Trump yavuze ko kugeza ubu nta kimenyetso na kimwe afite kigaragaza ko ashobora kuba yaranduye virusi ya corona. Biteganyijwe ko ibizamini bye bizamenyakana mu minsi ibiri.

Hagati aho ibihugu by’Ubwongereza na Ireland byongerewe ku rutonde rw’ibihugu byo ku mugabane w’Ubulayi abaturage byabo batemerewe gukorera ingendo muri Amerika mu rwego rwo gukumira icyorezo cya virusi ya Corona.

Kugeza ubu virusi ya corona imaze guhitana abantu barenga 5300. Ni mu gihe abamaze kuyandura barenga 130000.

Facebook Forum

XS
SM
MD
LG