Uko wahagera

Umunyamahanga Wari muri Al-Shabab Yahungiye ku Ruhande rwa Leta


Aha ni nyuma y'igitero cya Al-Shaba i Mogadicio

Umwe mu barwanyi bakuru b’abanyamahanga b’umutwe wa kisilamu al-Shabab yatangaje ko yabashije gucika akajya ku ruhande rwa Leta ya Somaliya.

Zubair al-Muhajir yavuye I Londres mu Bwongereza, yinjira mu mu mutwe ‘abarwanyi ba al-Shabab muri 2006. Yaje no kuba umwe mu bayobozi b’akanama k’idini ya kisilamu.

Avugana na Servisi y’Igisomali y’Ijwi ry’Amerika, Al-Muhajir, yarisobanuriye ko impamvu yitandukanije na Al-Shabab, kuko babeshya abayisilamu n’isi ko bagendera ku mategeko agenga idini. Yongeyeho ko azi neza ko ahubwo bakora ibitandukanye n’ayo mategeko.

Mu mwaka 2011, al-Muhajir yari umukuru wa komite yashyizweho na al-Shabab wo guhuza uwari umuyobozi Ahmed Abdi Godane n’abandi bayobozi b’ingabo. Al-Muhajir yavuze ko mu 2013 yafungiwe muri gereza ya al-Shabab imyaka itatu, nyuma y’uko atabashije kumvikanisha Godane n’abo bayobozi b’ingabo. Yavuze kandi ko al-Shabab izwiho kuba yaka amafrang aku ngufu abaturage n’abacuruzi.

Leta ya Somaliya ifite gahunda yo kubabarira abarwanyi bitandukanya na al-Shabab mu gihe bemeye gusezerera urugomo n’ingengabitekerezo y’intagondwa. Al-Muhajir yavuze ko ubu ari ahantu acungiwe umutekano na guverinoma, kandi ko ategereje icyo ubuyobozi buzamukoresha.

Facebook Forum

XS
SM
MD
LG