Uko wahagera

Abahanganye mu Matora Bari Basimburanye muri Botswana


Mokgweetsi Masisi ni we perezida wa Botswana.

Abaturage bo muri Botswana bazindukiye mu matora y’Umukuru w’Igihugu kuri uyu wa gatatu nyuma y’ibikorwa byo kwiyamamaza kwagaragayemo ihiganwa rikomeye.

Ishyaka rya Botswana Democratic Party, ryayoboye iki gihugu kuva cyabona ubwigenge muri 1966 rihanganye n’ihuriro ryitwa “Umbrella for Democratic Change” bitavuga rumwe riyobowe na Duma Boko. Iryo rishyigikiwe na Ian Khama wahoze ayobora icyo gihugu. Gusa, ubu ntiyumvikana na perezida uriho Mokgweetsi Masisi.

Ni we wari wamwihitiyemo amusigira ubutegetsi umwaka ushize ariko baza kutumvikana bitewe na bimwe mu byemezo bya Perezida Masisi nko gukuraho ibwiriza ribuza guhiga inzovu. Botswana kandi ni igihugu gikungaye ku mabuye y’agaciro ya diyama.

Abantu 925,000 biyandikishije gutora, ku baturage barenga miliyoni ebyiri. Baratora abadepite 57 bazishakemo umukuru w’igihugu. Uwatsinze amatora azamenyekana mu cyumweru gitaha.

Facebook Forum

XS
SM
MD
LG