Uko wahagera

Igisasu Cyahitanye 10 Gikomeretsa 42 muri Afuganisitani


Umuntu yakomeretse atwawe kwa muganga inyuma yo gukomeretswa na bombe yatezwe mu modokari i Kabul, muri Afuganistani, Itariki 5/09/2019

Abarwanyi b’Abalibani baturikije igisasu bateze mu modoka i Kabul mu murwa mukuru w’Afuganistani gihitana abantu 10 kuri uyu wa kane. Umuvugizi wa Minisiteri y’ubutegetsi bw’igihugu Nasrat Rahimi, yavuze ko abahitanywe n’icyo gisasu bose bari abasivili anemeza ko cyakomerekeje abandi 42.

Icyo gisasu cyaturikiye mu gace karinzwe cyane gatuwe n’abadiplomate. Ni ho ambasade ya Leta zunze ubumwe z’Amerika ibarizwa; kanakorerwamo n’inzego zinyuranye z’ubuyobozi muri Afuganistani.

Umuvugizi w’Abatalibani yigambye icyo gitero avuga ko cyari kigamije kwibasira abanyamahanga. Uyu mutwe w’abarwanyi ni nawo wateze igisasu cyahitanye abantu 16 gikomeretsa abarenga 100 muri iki cyumweru.

Intumwa ya leta zunze ubumwe z’Amerika Zalmay Khalilzad yagize uruzinduko i Kabul guhura n’abategetsi b’Afuganistani ngo bemeranye ku masezerano Leta zunze ubumwe z’Amerika yagiranye n’Abatalibani yerekeye kuvana ingabo z’Amerika mu birindiro 5 byo muri icyo gihugu.

Iyo gahunda irareba abasirikare 5000 muri 14,000 biri muri Afuganistani. Abatalibani nabo bategerejweho guhagarika imikoranire yabo n’umutwe wa al-Qaeda bakanemeza ko Afuganistani itazakoreshwa mu gucura imigambi yo gutega ibico kuri Leta zunze ubumwe z’Amerika cyangwa inshuti zayo.

Facebook Forum

XS
SM
MD
LG