Uko wahagera

Chanceliere Angela Merkel Ntahangayikishijwe n'Ubuzima Bwe


Angela Merkel na ministri w'intebe wa Finlande Antti Rinne i Belin mu Budage tariki ya 10/07/2019.

Chanceliere w’Ubudage, Angela Merkel, arahamya ko ubuzima bwe bumeze neza n’ubwo yongeye guhinda umushyitsi ku mugaragaro.

Merkel yongeye gutitira uyu munsi kuwa gatatu ubwo yarimo kwakira minisitiri w’intebe wa Finlande, Antti Rinne i Berlin. Ni ubwa gatatu bimubayeho mu gihe kiri munsi y’ukwezi. Yabwiye abanyamakuru hafi isaha imwe nyuma yaho, ko yumva ameze neza cyane kandi ko badakwiye guhangayika.

Angela Merkel yumvikanishije ko ingaruka ikibazo cyo gutitira mu muhango wo kw’italiki ya 18 y’ukwezi gushize kwa gatandatu byamugizeho mu mitekerereze, ari byo nyirabayazana y’ibyongeye kumubaho. Muri uwo muhango yari iruhande rwa perezida wa Ukraine, Volodymyr Selenskiy.

Ubwa kabiri hari kw’italiki ya 27 y’ukwezi kwa gatandatu, ku ngoro ya perezida mu Budage ubwo minisitiri w’ubutabera mushya yarahiraga. Yavuze ko azagomba kubyakira akabana nabyo.

Angela Merkel uzuzuza imyaka 65 mu cyumweru gitaha, abonwa na benshi nk’umugore ukomeye kw’isi. Yavuze ko azava mu buzima bwa politiki manda ye nirangira mu 2021.

Facebook Forum

XS
SM
MD
LG