Uko wahagera

Ambasaderi w'Ubwongereza muri Amerika Yeguye


Kim Darroch ni we wari uhagarariye Ubwongereza muri Amerika

Uhagarariye Ubwongereza muri Leta zunze ubumwe z’Amerika Kim Darroch yatangaje kuri uyu wa gatatu ko yeguye ku mirimo ye. Yavuze ko atashobora gukomeza akazi ke uko bisanzwe nyuma y’itangazwa by’ibyo yanditse anenga Perezida w’Amerika Donald Trump.

Yagize ati “n'ubwo nari kuzarangiza imirimo yanjye mu mpera z’uyu mwaka, ndibwira ko icyemezo gikwiranye n’ibihe turimo ari ukureka hagashyirwaho undi ambasaderi”. Mu mwaka wa 2016, ni ho Kim Darrock yari yoherejwe guhagararira Ubwongereza i Washington.

Mu nyandiko itari igenewe kujya hanze yoherereje abamukuriye i Londres yari yavuze ko Donald Trump adashoboye imirimo ye, ko atiyizeye, kandi ko ibiro bya Perezida w’Amerika bidakora neza.

Ubwo butumwa bw’ibanga bwari bugenewe abaminisitiri n’abandi bakozi bakuru b’abongereza. Nyamara, ubutegetsi buravuga ko uwabushyize ku karubanda, atari umunyamahanga, ko azaboneka mu banyapolitiki cyangwa se abategetsi b’abongereza.

Ku rubuga rwe rwa Twitter, Perezida Trump yavuze ko Darrrock ari “umuntu w’igihubutsi kandi w’igicucu cyane”. Yongeyeho ko atazongera gukorana na we.

Facebook Forum

XS
SM
MD
LG