Abatavugarumwe n’ubutegetsi muri Sudani bari mu mibonano yo kurondera kugena intumwa zabo zizobaserukira mu kanama k’abasivile n’abasirikare vyitezwe ko kagiye kuzorongora igihugu mu myaka ibiri yimirije.
Ni inyuma y’aho indongozi z’abasirikare bakuye perezida Omar al-Bashir ku butegetsi mu ntango z’uku kwezi bemereye kuzosangira ubutegetsi n’abasivile mu kiringo c’imfatakibanza.
N’aho bisa n’uko ibintu biriko bija mu buryo, abari mu myiyerekano bo baracabandanya gusasagaza kw’irembo ry’ibiro bikuru vya gisirikare, bavuga ko bazohava ar’uko ubutegetsi bwegukiye abasivile.
Facebook Forum