Uko wahagera

Perezida Maduro wa Venezuela Yanze Imfashanyo y'Amerika


AMakamyo yahagaz eku mupaka wa Venezuela na Colombiya

Kamyo za ruvakwaya ebyili za mbere zikoreye imfashanyo za Leta zunze ubumwe z’Amerika muri Venezuela zaheze ku mupaka wa Colombiya zari zanyuze. Zahegeze ejo kuwa kane zitwaye ibiribwa n’imiti. Perezida wa Venezuela, Nicolas Maduro, yahaye igisilikali cye kuzibuza kwinjira mu gihugu cyabo. Kuri we, “imfashanyo nyizikenewe, nta kibazo cy’ubukene kiri muri Venezuela.”

Mu rwego rwo kubahiriza itegeko ry’umukuru w’igihugu, ingabo za Venezuela zafunze umuhanda ubahuza na Colombiya bakoresheje “konteneri” n’amakamyo atwara lisansi. Abaturage bahazindukiye ari benshi mu myigaragambyo yo gusaba Maduro gutambutsa imfashanyo. Minisiteri y’ububanyi n’amahanga ya Leta zunze ubumwe z’Amerika nayo yasabye ingabo za Venezuela kuzemerera kwinjira.

Perezida w’inteko ishinga amategeko ya Venezuela, Juan Guaido, watangaje ko ari we mukuru w’igihugu wemewe n’amategeko, ni we wasabye Amerika kohereza imfashanyo. Avuga ko ubukene bukomeye bwugarije abaturage budashobora kurangira niba amahanga atabateye inkunga yihutirwa.

Abaturage ba Veenezuela amamiliyoni barahunze kubera inzara no kubura ibikenerwa by’ibanze byose. Abandi amamiliyoni nabo bashobora kuva mu gihugu kubera izi mpamvu.

Facebook Forum

XS
SM
MD
LG