Uko wahagera

Abarwanya Perezida Omar Al-Bashir wa Sudani Ntibava kw'Izima


Abigaragamvya biruka bahunga ivyuka bikoroza amosozi mu myiyerekano yiyamiriza reta i Omdurman, muri Sudani, italiki 09/01/2019

Imyigaragambyo ikomeje kurushaho gukaza umurego muri Karthoum, umurwa mukuru w’igihugu cya Sudani. Abatavuga rumwe n’ubutegetsi barasaba Perezida Omar Al-Bashir kwegura ku ntebe y’ubutegetsi.

Perezida Bashir na we ntiyabirekeye. Yahamagariye abamushyigikiye kujya mu mihanda bakamagana abo bamurwanya. Mu ijambo yababwiye yahakanye atsemba ko adateze kurekurira ubutegetsi abamurwanya. Yanashimangiye ko hari izindi nzira abumva bashaka ubutegetsi babinyuzamo, zitari imyigaragambyo.

Hagati aho, abapolisi bahise birara mu bari bazindukiye mu myivumbagatanyo mu mujyi wa Khartoum n’undi mujyi byegeranye wa Omdurman. Babuhiyemo ibyuka bitera amarira mu maso, babakwiza imishwaro. Kuri ubu, hari amakuru avuga ko abagera kuri batatu bamaze kwitaba Imana, abandi barakomereka cyane.

Gusa abigaragambya ntibarava ku izima. Bongeye kwisuganya bifashishije imbuga nkoranyambaga, baravuga ko batazaruhuka badahiritse uwo bita umunyagitugu Omar Al-Bashir utegetse Sudan mu gihe cy’imyaka 30.

Facebook Forum

XS
SM
MD
LG