Abantu 19 barapfuye mw’isanganya ry’indege muri Sudani y’ubumanuko ku musi w’Imana, nkuko vyashikirijwe n’abategetsi.
Abantu bashika kuri 22 nibo bari mur’iyo ndege yari ivuye ku kibuga c’indege mpuzamakungu co ku murwa mukuru Juba ija mu gisagara ca Yirol igihe yakoroka.
Umunyagihugu w’Umutaliyano akorera ishirahamwe ridaharanira inyungu za poritike ari mu barokotse mur'iryo sanganya.
Amasanganya y’indege atari make yarabaye muri Sudani y’ubumanuko. Mu mwaka w’2017, ingenzi zine zirakomeretse igihe indege barimwo yakoroka iriko irururuka mu gisagara ca Wau.
Mu mwaka w’2015, abandi 36 barapfuye igihe indege yakozwe n’Uburusiya yakoroka ariho ikiguruka iva ku murwa mukuru Juba.
Facebook Forum