Saido Berahino, umukinyi w’umupira w’amaguru w’abigize umwuga uyu munsi ni bwo yakiniye ikipe y’igihugu cy’Uburundi ku nshuro ya mbere.
Ni mu mukino wahuje Uburundi na Gabon mu majonjora yo gushaka itike ya CAN 2019 warangiye amakipe yombi anganya igitego 1-1.
Berahino ni we watsinze igitego cy’Uburundi ku munota wa 40 kiza kwishyura na Pierre-Emerick Aubameyang rutahizamu w’ikipe ya Arsenal ku munota wa 76.
Muri iryo tsinda rya C, Uburundi ni bwo buri ku mwanya wa mbere n’amanota 4. Undi mukino wo muri iryo tsinda uzaba kuri iki cyumweru hagati ya Mali na Sudani y’epfo.
Berahino asanzwe akinira ikipe ya Stoke City iri mu cyiciro cya mbere muri shampiyona y’Ubwongereza. Mu kwezi kwa karindwi uyu mwaka ni bwo ishyirahamwe ry’umupira w’amaguru kwi'si FIFA ryemeje ko Berahino yemerewe gukinira Uburundi.
Facebook Forum