Uko wahagera

Rwanda- Ikarita Nshya ku Mpunzi z'Abarundi


Ministiri Debonheur Jeanne d'Arc wa MIDMAR

Mu Rwanda minisiteri yita ku mpunzi ifatanyije n'ishami ry'umuryango w'abibumbye ryita ku mpunzi HCR baramukiye mu gikorwa cyo gutanga ikarita ziranga impunzi.

Ni ikarita bigaragara ko ikoze mu buryo bw’ikoranabuhanga kandi ikubiyeho imyirondoro yose ya nyirayo. Ni ikarita ihabwa abafite imyaka 16 y’amavuko kuzamura. Mu ibara irasa n’ikarita ndangamuntu zihabwa abanyarwanda, ariko ku y'impunzi ahagombye kuba ibendera ry’u Rwanda ho hari ibirango bya HCR. Ni ikarita kandi igaragaraho inyuguti ya R iri mu kazu isobanura Refugie cyangwa Impunzi.

Ku ikubitiro iyi karita yahawe impunzi ziba mu mujyi wa Kigali zikabakaba 3000. Ministre wita ku bibazo by’impunzi n’ibiza akabasaba ko buri wese ufashe iyi karita agomba kuyirinda kuko umunsi yatakaye hari aho bishobora kumugora.

Kugeza ubu mu bari ku butaka bw’u Rwanda ntawe urongera kugaragara yigaragambiriza uburyo bwo kumubarura hifashishijwe ikoranabuhanga nk’uko byabaye mu minsi yashize ku barundi bagendera ku myemerere ya Zebia Ngendakumana.

Magingo aya u Rwanda rurabarura impunzi zisaga ibihumbi 150 , iyi gahunda yo kubaha ikarita z’impunzi biteganyijwe ko izarangirana n’ukwezi kwa Karindwi k’umwaka utaha.

Facebook Forum

XS
SM
MD
LG