Uko wahagera

Kutumvikana ku Majwi Byatumye Perezida Atarahira muri Zimbabwe


Urukiko rw'ikirenga ni rwo ruzafata icyemezo ku birego byatanzwe na MDC.

Itora rya perezida riheruka muri Zimbabwe ryari ryiteze kuba mu bwisanzure, nta kandamiza nk’iryakunze kuboneka ku buyobozi bwa Robert Mugabe.

Iryo tira ryari ryitezwe kutabamo urwikekwe n’urugomo rwagiye ruboneka mu yandi matora. Byari byitezwe kandi ko ishyaka ryari ku butegetsi riganza, nk’uko ryayoboye igihugu kuva kibonye ubwigenge mu mwaka w’1980.

Nyamara, icyo itora ryo kw’italiki ya 30 y’ukwezi kwa 7 ryazanye ni imyigaragambyo. Hanyuma urugomo ruraduka aho ingabo zishinzwe umutekano zarashe zikica abantu 6. Ubu ikirego cyaratanzwe mu rukiko rw’ikirenga rw’igihugu kugira ngo amajwi yavuye itora aseswe. Urukiko ruzafata icyemezo ejo kuwa gatanu.

Uwari umukandida w’ishyaka ritavuga rumwe n’ubutegetsi, Nelson Chamisa, yaregeye urukiko rurengera Itegeko Nshinga, avuga ko yasanze 44 kw’ijana by’amajwi byatangajwe atari yo.

Ni amajwi yatumye agira umwanya wa kabiri, inyuma ya Emmerson Mnangagwa bahatanaga muri iryo tora, yatsindiye kuri 50.8 kw’ijana by’amajwi.

Facebook Forum

XS
SM
MD
LG