Uko wahagera

Amerika Yafatiye Ibihano Venezuela Kubera Amatora


Perezida Maduro afata ijambo nyuma y'itora ari kumwe n'abamushyigikiye

Leta zunze ubumwe z’Amerika zafatiye ibihano by’ubucuruzi igihugu cya Venezuela nyuma y’amatora Amerika isanga yararanzwe n’uburiganya. Ni amatora yatsinzwe na Perezida usanzweho Nicolas Maduro.

Ibyo bihano byasinywe na Perezida Donald Trump bihagarika ubucuruzi bw’ibikomoka kuri peteroli hagati y’ibihugu byombi. Venezuela isanzwe iri mu bihugu biza ku isonga mu gucukura no kugurisha ibikomoka kuri peteroli.

Ministiri w’ububanyi n’amahanga wa Venezuela Jorge Arreaza yamaganye ibyo bihano avuga ko biciye kubiri n’amasezerano mpuzamahanga agenga ubucuruzi. Maduro wiyamamarizaga kuyobora manda ya kabiri yatsinze n’amajwi 68 ku ijana. Uwo bari bahanganye Henri Falco we yabonye amajwi 21 ku ijana.

Itsinda rya Maduro ushinjwa kutihanganira abatavuga rumwe na leta, byaviriyemo ibihugu byinshi guhamagaza ababihagarariye muri Venezuela. Ibyo bihugu birimo nka Argentine, Brezil na Canada. Naho ibihugu nka El Salvador na Cuba byo byashimye itora rya perezida Maduro.

Jennifer McCoy umwarimu muri kaminuza ya leta ya Georgia hano muri Amerika avuga ko gutorwa kwa Maduro kugiye kurushaho gushira Venezuela mu kato.

Facebook Forum

XS
SM
MD
LG