Uko wahagera

Amerika n’Uburusiya Bashobora Kurwanira muri Syria.


Ambasaderi wa Amerika muri ONU, Nikki Haley, uwa mbere uhereye i buryo k'wifoto, ariko atora ku ngingo ya Onu yerekeye itohoza ryigenga, kw'ikoreshwa ry'ibirwanisho vyicisha imyuka muri Siriya, ku musi wa kabiri italiki 10, ukwezi kwa kane, umwaka w'i 2018

Ambasaderi w’Uburusiya muri Libani yatangaje ko igisilikali cyabo kizahanura missiles zose Amerika izaharasa. Perezida Donald Trump w’Amerika yamushubije akoresheje urubuga rwe rwa Twitter, ati: “Ntimwari mukwiye gushyikira inyamaswa iryoherwa no kwicisha abaturage intwaro z’ubumara. Mwari mukwiye kwitegura missiles kuko zizaza.”

Inyamaswa ni ko Perezida Trump yise umukuru w’igihugu cya Syria Bashar al-Assad, nyuma y’aho abaturage bagera kuri 40 bishwe n’ibyo amahanga avuga ko bazize intwaro z’ubumara kuwa gatandatu w’icyumweru gishize. Leta zunze ubumwe z’Amerika n’ibindi bihugu bitandukanye by’inshuti zayo barega leta ya Syria ko ari yo yabishe. Syria n’Uburusiya bo barabihakana.

Uyu munsi, Perezida Trump amaze kutangaza ko azarasa muri Syria, umuvugizi wa perezidansi y’Uburusiya, Dmitry Peskov, yavuze ko ibihugu byose bifite uruhare muri Syria byari bikwiye gucisha make kugirango bidatwika akarere kose.

Facebook Forum

XS
SM
MD
LG