Uko wahagera

Sena y'Amerika Yemeje Ingengo y'Imali y'Uyu Mwaka


Uyu munsi, Sena ya Leta zunze ubumwe z’Amerika yemeje itegeko ry’ingengo y’imali ryari ryatowe n’umutwe w’abadepite w’inteko ishinga amategeko ejo kuwa kane. Ingengo y’imali ingana n’amadolari trillioni imwe n’ibice bitatu, ni ukuvuga miliyari igihumbi na 300. Agomba gukoreshwa kugera ku italiki ya 30 y’ukwezi kwa cyenda uyu mwaka.

Perezida Trump yatangaje ko ashobora kurisubiza inyuma mu nteko ishinga amategeko atarisinye kubera ko kuri we ridateganya amafaranga ahagije yo kubaka urukuta ku mupaka wa Leta zunze ubumwe z’Amerika na Mexique.

Aramutse yanze kurishyiraho umukono, imilimo n’ibikorwa bya guverinoma byahagarara guhera uyu munsi saa sita y’ijoro. Naho inteko ishinga amategeko (Congress) yaba igomba kongera gusoma impapuro ibihumbi bibili na 200 z’itegeko kugirango barikorere ubugororangingo bitarenze kuwa gatatu w’icyumweru gitaha.

Inteko ishinga amategeko yagennye amadolari miliyari imwe na miliyoni 600 yo gutangiza umushinga wo kubaka urukuta rwa kilometero 150 hagati y’Amerika na Mexique. Perezida Trump we yashakaga miliyari 25 yo kubaka uru rukuta.

Facebook Forum

XS
SM
MD
LG