Ishirahamwe mpuzamakungu ONU, ryavuze ko ryahagaritse mu kiringo c’indwi gutanga infashanyo mu gisagara ca Rann muri Nijeriya, kibarizwamwo amakambi atari make yegeranirijwemwo abateshejwe izabo.
Umupfasoni Samantha Newport, avugira ONU muri Nijeriya yabwiye itororokanirizo ry’amakuru y’Abafaransa AFP, ko ku mvo z’umutekano abakozi bayo 52 bahora bakorera Rann, babaye barimurirwa mu bindi bihugu.
Ni inyuma yaho, abakozi bayo batatu baguye mu gitero umuhari w’iterwabwoba Boko Haram wagavye ku wa kane muri ako karere, gaherereye mu buraruko bushira uburengero bwa Nijeriya.
Ishirahamwe ry’abaganga batagira imbibe MSF, ryavuze ko naryone ribaye rirahagarika ibikorwa vyaryo naho ritatomoye ryari rizosubira gukora.
Abanyagihugu bagera ku 80,000 bo mu gisagara ca Rann babeshejweho n’infashanyo z’abagira neza.
Facebook Forum