Abategetsi b'Ubufaransa ntibaremera ko abahezanguni b'Abafaransa bafatiwe ku rugamba muri Iraki na Siriya bacyurwa mu gihugu.
Nyuma y'ibiganiro byamaze icyumweru hagati ya guverinema z'Uburengerazuba bw'Isi ku barwanyi bafashwe bugwate, Leta zunze ubumwe z’Amerika irasaba ibyo bihugu kwakira izo mfungwa.
Kugeza ubu, Ubufaransa n'Ubwongereza ntibaremera kwakira abo baturage babo. Ukuriye Abafaransa biga kuri iki kibazo yavuze ko bari mu cyiciro cya nyuma cyo kumvikana kuri iyi ngingo. Abategetsi b'Ubufaransa baratinya ko izi mfungwa nizizanwa zizagandisha izindi kandi ko zizasuzuguza ubutabera bwabo.
Abafaransa bafatwa nk'abinjiye mu mitwe y'abarwanyi b'intagondwa kurusha abandi, kandi ko ababarirwa muri 300 baguye mu ntambara naho ababarirwa hagati ya 500 na 600 bafatiwe mu ntambara za Siriya n'Abakurde.
Hagati muri iki cyumweru, minisitiri w’ingabo wa leta zunze ubumwe z'Amerika, Jim Mattis, yibajije kuri ejo hazaza h'amagana y'abahezanguni bafungiwe muri Siriya.
Mattis yavuze ko ari ikibazo gihuriweho n’ibihugu byinshi kandi buri wese agomba kugiramo uruhare. Yagize ati " Ntitwifuza ko intagondwa zigera mu mijyi ya Paris n'i Roma.
Facebook Forum