Intambara y’Ubuhinde na Pakistani Yubuye

Ingabo z’Ubuhinde n’iza Pakistani barasanye ibisasu mu ntara ya Kashmir. Abasilikali batatu ba Pakistani bapfuye. Mu basilikali b’Ubuhinde, nta n’umwe wagize icyo aba. Bombi baritana ba mwana ngo ni uriya wabanje.

Ejobundi kuwa gatandatu ushize, ingabo za Pakistani zishe abasilikali bane b’Ubuhinde ku mupaka w’ibihugu byombi.

Ubuhinde na Pakistani bamaze imyaka 70 barasana, ahanini bapfa Kashmir. Bagize intambara zikomeye eshanu (mu 1947, 1965, 1971, 1999, no mu 2001). Zahitanye abasilikali barenga ibihumbi 25 ku mpande zombi.