Tombola ya kimwe c’umunani c’ihiganwa ry’imirwi y’umupira w’amaguru yabaye iya mbere mu bihugu iturukamwo mu karere k’i Bulaya yabaye, uno musi ku wa mbere, mu gisagara ca Nyon, mu Busuwise.
Umurwi Juventus wo mu Butaliyano uzohura na Tottenham wo mu Bwongereza, Basel wo mu Busuwise uzokina na Manchester City wo mu Bwongereza, FC Porto wo muri Portugal uzohura na Liverpool wo mu Bwongereza.
Sevilla wo muri Espagne uzohura na Manchester United wo mu Bwongereza, Real Madrid wo muri Espanye uzokina na Paris Saint German wo mu Bufransa, Shakhtar Donetsk wo muri Ukraine uzohura na AS Roma wo mu Butaliyano, Chelsea wo mu Bwongereza uzokina na Barcelona wo muri Espanye, mu gihe Bayern Munich wo mu Budagi uzohura na Besiktas wo muri Turkiya.
Inkino za mbere zizoba kw’italiki 13 n’italiki 14 hamwe n’italiki 20 n’italiki 21 z’ukwezi kwa kabiri 2018.
Inkino zigira kabiri zizoba kw’italiki 6 n’italiki 7 hamwe n’italiki 13 n’italiki 14 z’ukwezi kwa gatatu 2018.
Urukino rwa nyuma ruzobera mu gisagara ca Kiev, muri Ukraine kw’italiki 26 z’ukwezi kwa gatanu 2018.
Facebook Forum