Uko wahagera

Darfur: Umuyobozi w’Aba Janjaweed Yafashwe.


Umuhungu w'umunya Sudani ariko agendera kw'ifarasi hafi y'inyubakwa irimwo ibiro vy'ishirahamwe mpuzamakungu n'ishirahamwe rya Afrika ku murwa mukuru Darfur
Umuhungu w'umunya Sudani ariko agendera kw'ifarasi hafi y'inyubakwa irimwo ibiro vy'ishirahamwe mpuzamakungu n'ishirahamwe rya Afrika ku murwa mukuru Darfur

Ingabo za Reta ya Sudani zataye muri yombi Mussa Hilal n’umuhungu we Habib Hilal. Byatangajwe na minisitiri w’ingabo wa Sudani, Lieutenant-General Ali Mohamed Salem mu kigo ntaramakuru cya leta ya Sudani, SUNA.

Mussa Hilal ni umwe mu bantu Umuryango w’Abibumbye yafatiye ibihano. Yo na Leta zunze ubumwe z’Amerika bamurega amahano yo muri Darfur, mu burengerazuba bwa Sudani. Perezida Omar al Bashir nawe ubwe aregwa ibyaha bya jenoside, ibyaha by’intambara n’ibyaha byibasiye inyokomuntu byo muri Darfur.

Mussa Hilal ni umukuru w’umutwe w’inyeshyamba z’Abarabu bo mu bwoko bw’aba Mahamide witwa Janjaweed. Yabanje gufatanya na leta ya Perezida Bashir mu ntambara zo muri Darfur. Ndetse mu 2008, Moussa Hilal yagizwe umujyanama wa minisitiri w’ububanyi n’amahanga wa Sudani. Nyuma barashwanye asubira mu ishyamba. Naho mu 2012, perezida wa Tchad, Idriss Deby, yashyingirwanwe n’umwe mu bakobwa ba Mussa Hilal.

Nk’uko minisitiri w’ingabo wa Sudani yabisobanuye, Musa Halil yatawe muri yombi iwe mu rugo i Mustariaha, muri Darfur, ejo nyumwa y’imirwano hagati y’abarwanyi be n’ingabo za Sundani. Imirwano yahitanye abasilikali icumi ba leta. Minisitiri Salem yavuze ko Hilal n’umuhungu we bazajyanwa i Khartoum, ariko ntasobanura icyo bazabakoresha.

Facebook Forum

XS
SM
MD
LG