Uko wahagera

Ubutegetsi bwa Zuma Buri mu Minwe y'Abashingamateka


Abashingamateka bo mu gihugu ca Afurika y’Epfo batanguye impari mu nama nshingamateka zishobora gushika ku ngingo yo gukura Perezida Jacob Zuma ku butegetsi.

Zuma yararusimvye akatari gake mu mpari nk’izo kuva agifata ubutetgetsi mu mwaka w’2009, naho kenshi yaguma aregwa ibirego bigwagiriza ruswa hamwe n’ukunanirwa kuzamura ubutunzi.

Afurika y’Epfo kirahanzwe n’ubutunzi buguma butituka hamwe n’ubushomeri, kandi n’igihagararo caco ku vyerekeye ukuntu ubutunzi bwifashe, caragabanuwe kuva Zuma akuye umushikiranganji yar’ajejwe ubutunzi, Pravin Gordham, mu kwezi kwa gatatu.

Izo mpari zabaye uyu musi zihava zisozerwa n’itora ry’ingingo yo kumura canke kumugumiza ku butegetsi, niryo tora rya mbere ribaye mw’ibanga mu nama nshingamateka. Ivyo rero vyahaye akizero abashingamateka bahurikiye mu migambwe itavuga rumwe n’ubutegetsi kw’abashingamateka batari bake bahurikiye mu mugambwe uri ku butegetsi ANC, bashobora gutanga amajwi ahava atuma Perezida Zuma akurwa ku butegetsi.

Umugambwe ANC ufise ibibanza 249 ku bibanza 400 vy’inama nshingamateka: N’ukuvuga kw’abashingamateka 50 bo mu mugambwe, aribo bakenewe kwifatanya na 151 bahurikiye mu migambwe itavuga rumwe n’ubutegetsi kugira ngo ingingo yo gukura Zuma itorwe.

Yamara no mu gihe Zuma yokurwa ku butetsi, azoguma ariwe mukuru w’umugamwe ANC gushika ave mur’ayo mabanga nk’uko bitegekanijwe mu kwezi kwa cumi na kabiri.

Facebook Forum

XS
SM
MD
LG