Abanyesomaliya 114 Bari Imbohe muri Etiyopiya Bashitse Iwabo

Abanyesomaliya barenga 100 baheruka kurekurwa aho bari bafungiwe mu mabohero muri Etiyopiya kur’uyu wa gatandatu niho bashika I Mogadishu, ivyo vyashikirijwe n’abategetsi ba Somaliya.

Abategetsi ba Somaliya bavuga ko abo banyororo uko bari 114 bari bafungiwe mu mabohero muri Etiyopiya bagirizwa ivyaha bitandukanye harimwo no kuja mur’ico gihugu mu buryo butisunze amategako.

Jamaludin Mustafa Omar, aserukira Etiyopiya muri Somaliya yari kumwe na bo kuva muri Etiyopiya yatangaje ko ico gikorwa ar'ikimenyetso ubucuti buri hagati y’ivyo bihugu uko ari bibiri.

Irekurwa ryabo ribaye inyuma y’ibiganiro vyabaye hagati y’umushikiranganji wa mbere wa Somaliya Hassan Ali Khayre na mugenzi we wa Etiyopiya, Hailemariam Desalegn, igihe bari mu nama ya 29 y’abakuru b’ibihugu bigize umuryango w’ubumwe bw’Afrika iheruka kubera I, Addis Ababa muri Etiyopiya.