Uko wahagera

Burundu Bazira Kwambura Ubusa Umugore muri Kenya


Iyi myigaragambyo muri Kenya yari yahawe intego ivuga iti #MyDressMyChoice ugenekereje mu Kinyarwanda bivuze ngo “Nambara uko nshaka”

Mu gihugu cya Kenya, urukiko rwakatiye igifungo cya burundu abagabo batatu bazira kwambura ubusa umugore bakanamukorera ihohoterwa rishingiye ku gistina.

Ibyo babikoze mu gihe bari bahuriye nawe mu nzira yambaye imyambaro migufi.

Ibi byaha byakozwe mu 2014 mu murwa mukuru Nairobi, aho aba bagabo bahuraga n’uyu mugore yambaye imyambaro migufi, maze bayimukuramo ku ngufu ndetse baranamuhohotera anibwa bimwe mubyo yari afite birimo telephone igendanwa n’amafaranga.

Umwe mubabonye ibi biba, yafashe amashusho ayashira ku mbuga nkoranyambaga, maze bituma hatangira imyigaragambyo mu mujyi wa Nairobi, y’abatari bishimiye iri hohoterwa rikorerwa abagore.

Iyi myigaragambyo yari yahawe intego ivuga iti #MyDressMyChoice ugenekereje mu Kinyarwanda bivuze ngo “Nambara uko nshaka”.

Iyi myigaragambyo, yatumye aba bagabo batatu, Edward Gitau, Nicholas Mwangi na Meshak Mwangi bafatwa barafungwa, nyuma bakatirwa igihano cy’urupfu ariko kuko cyakuweho muri Kenya, gisimbuzwa gufungwa ubuzima bwabo bwose.

Facebook Forum

XS
SM
MD
LG