Uko wahagera

Nyuma y’iminsi 23 mu bwigunge, abaturage ba Somaliya bongeye kubasha gukoresha internet.

Ministiri w’itumanaho, Abdi Anshur, watangaje iyo nkuru yasobanuye ko Leta ya Somaliya, yahombaga akayabo gasaga miliyoni 10 z’amadorali y’Amerika buri munsi kubera uyu muyoboro wacitse. Ibikorwa byinshi by’ubucuruzi, amavuriro, ibiro bya leta ndetse na serivisi zikoresha internet zose zari zarahagaze kuva ku itariki ya 24 z’ukwezi gushize. Ibi byatumye ubukungu busubira inyuma cyane cyane mu murwa mukuru Mogadicio.

Abdi Anshur yasobanuye kandi ko hari gukorwa ibishoboka byose ngo amafaranga Leta ya Somaliya yatanze kw’isanwa ry’uyu muyoboro, azishyurwe na sosiyete y’ubwato bwawugonze.

Abenshi mu baturage bashyize amafoto y’umunsi wa Eid-il- Fitr ku mbuga nkoranyambaga, batari baragize amahirwe yo gushyiraho ubwo uwo munsi wizihizwaga.

Facebook Forum

XS
SM
MD
LG