Uko wahagera

Depite Yasabye Imbabazi Kubera Amafoto ya Auschwitz


Umudepite Clay Huggins, uhagarariye Leta ya Luwiziyana mu nteko ishinga amategeko y’Amerika, yasabye imbabazi anahanagura amashusho yari yashize ku mbuga nkoranyambaga. Uyu yari yasuye ikigo cyakorewemo iyicarubozo ry’abayahudi mu Budage.

Mu mashusho uyu mudepite wo mw’ishyaka ry’Abarepubulika yashyize ku rubuga rwa Youtube na Facebook, yatambagiraga inkambi izwi ku izina rya “AUSCHWITZ”. Aha ni hamwe mu hantu ubutegetsi bw’Abanazi bwafungiraga Abayahudi, bukaboherezamo imyuka yica nyuma imirambo bakayishyira mu ifuru bakayitwika.

Aya mashusho, Huggins akimara kuyasira hanze, ntiyavuzweho rumwe n’abayarebye. N’ubuyobozi bw’uru rwibutso rwa “AUSCHWITZ” bwahise bwandika kuri Twitter, buvuga ko bitari bikwiye gufata amashusho nk’ayo. Buvuga ko “mu rwibutso ari ahantu ho kunamira izo nzirakarengane atari aho kwinezereza.”

Depite Huggins yahise asaba imbabazi abatarishimiye ayo mashusho. Yasobanuye ko atari agambiriye kugira uwo akomeretsa, ndetse ahita anayahanagura. Si ubwa mbere uyu mugabo agira ibibazo nk’ibi ku mbuga nkoranyambaga. Mu kwezi gushize, nyuma y’ibitero by’ubwiyahuzi byabereye I Londres mu Bwongereza, yanditse kuri Facebook ko hagomba gushakishwa uwabikoze maze nawe akicwa. Aya magambo nayo ntiyakiriwe neza n’abamukurikira.

Facebook Forum

XS
SM
MD
LG