Uko wahagera

Umwuka mubi wongeye kubura mu majyaruguru y’igihugu cya Nijeriya, hagati y’abaturage bo mu bwoko bwaba Igbo bwiganjemo abakristu n’urubyiruko rw’abayisilamu, rumaze iminsi rusaba aba ba igbo gusubira mu gace bakomokamo k’amajyepfo ya Nijeriya.

Chika Oduah, umuyobozi waba igbos batuye mu majyaruguru y’iki gihugu, yatangaje ko abaturage be ntaho bateganya kujya, cyane ko ubu bwoko buzwiho kugira ubutunzi bwinshi butimukanwa bwiganjemo ama hoteli, amashuri, n'izindi nzu z’ubucuruzi.

Uyu mwuka mubi, wakongejwe ahanini n’urwandiko rwanditswe mu ntangiro z’uku kwezi n’umuyobozi w’urubyiruko rw’abayisilamu wavugaga ko abaturage bo muri ubu bwoko bagomba kuba basubiye kuri gakondo yabo bitarenze itariki ya mbere ukwakira uyu mwaka.

Amakimbirane nkaya, yaherukaga kuba muri iki gihugu, mu mwaka 1967, yaje no kuvamo ishingwa rya leta yashakaga kwiyomora ku buyobozi bw’igihugu cya Nijeriya ariko ikaza gusenyuka mu mwaka w’1970, iyi leta yari yamenyekanye ku izina rya “Biafra”, yari iherereye mu burasirazuba bwa Nijeriya, ahanini yari igizwe n’umubare munini w’aba Igbo, cyane ko bari mu moko afite ubutunzi n’umubare munini w’abatuye Nijeriya.

Facebook Forum

XS
SM
MD
LG