Uko wahagera

Afghanistani: Abishwe na “Nyina w’ibisasu byose” bariyongera


Umubare w’abarwanyi b’umutwe wa Leta ya Kislamu bahitanywe n’igisasu rutura cya Leta zunze ubumwe z’Amerika cyitwa “Nyina w’ibisasu byose” uragenda wiyongera.

Leta y’Afghanistani iratangaza ko cyahitanye 92, kandi ko uyu mubare ushobora kwiyongera.

Afghanistani yari yatangaje bwa mbere ko abarwanyi ba Leta ya Kislamu 36 bishwe na “Nyina w’ibisasu byose” kandi ko nta musivili n’umwe iki gisasu cyahitanye. Ibiro bya perezida w’Afghanistani, Ashraf Ghani, byemeza ko Amerika yarashe ifatanije n’inzego z’umutekano w’igihugu cye.

Igisasu “Nyina w’ibisasu byose” gifite uburemere bw’ibilo ibihumbi icumi. Amerika yakirashe kuwa kane ku birindiro bya Leta ya Kislamu biri mu buvumo, mu ntara ya Nangarhar, mu burasirazuba bw’amajyaruguru bw’Afghanistani. Ni ubwa mbere iki gisasu gikoreshejwe mu ntambara.

Uwahoze ari perezida w’Afghanistani, Hamid Karzai, yacyamaganiye kure, n’imbaraga nyinshi. Avuga ko “Amerika irimo ikoresha igihugu cyabo kugirango ikore igerageza ry’intwaro z’ishyano.”

Facebook Forum

XS
SM
MD
LG