Uko wahagera

Indege Yakoze Urugendo Rurerure


Umuhigo mushasha mu vy’indege!!! Inyuma y’amasaha 16 n’iminota 23 mu kirere, indege ya Qatar Airways yashitse k’ubutaka bw’igisagara ca Auckland, muri Nouvelle Zelande kuri ino musi wa mbere. Iryo ryabaye irya mbere kw’isi indege imara ayo masaha yose mu kirere.

Urwo rugendo rwatanguriye I Doha muri Qatar, rungana n’ibirometero ibihumbi cumi na bine n’amajana atanu na mirongo tatatu na bitanu (14,535). Urwo rugendo ruruta urwahora ari urwambere rurerure kw’isi gwigeze kumara amasaha cumi n’atanu n’iminota cumi n’itanu. Narwo rukaba rwari rwaragizwe n’indege ya sosiyete Emirates Airline. Rwava I Dubai gushika I Auclkland mu gihugu ca Nouvelle Zelande nyene.

Akbar Al Baker, umuyobozi mukuru w’isosiyete yakoze iyo ndege y’ubwoko bwa Boeing 777- 200LR, yavuze kw’urwo rugendo rwabaye intambwe ikomeye.

Urwo rugendo rw’imboneka rimwe, rwagizwe n’abadereva bane, abandi bakora indani y’iyo ndege 15. Mu kiringo c’urwo rugendo, abayikoramwo bazimanye abantu ibikombe vy’icayi n’ikawa bigera kugihumbi n’ijana (1,100), ibindi binyobwa bigera kubihumbi bibiri (2000), n’impfungugwa z’abantu igihumbi na mirongo itatu na bane (1,034).

XS
SM
MD
LG