Muri Republika iharanira demokrasi ya Kongo, Etienne Tshisekedi, umunyapolitike yar’akomeye mu barwanya ubutegetsi yitavye Imana ku mugoroba wo kur’uyu wa gatatu italiki 1 z'ukwezi kwa kabiri umwaka w'2017.
Ivyo vyemejwe na Bruno Tshibala, icegera c’umunyamabanga w’umugambwe UDPS, akaba n’umuvugizi w’urunani rw’imigambwe itavuga rumwe n’ubutegetsi muri Kongo ,“Rassemblement”.
Tshibala yabwiye Ijwi ry’Amerika ko batangajwe n’urwo rupfu mugihe ibipimo vya mbere yar’amaze kugirirwa vyatanga icizere.
Tshisekedi w’imyaka 84 y’amavuko asandabiye mugihugu c’Ububiligi aho yari yagiye kwivuza.