Uko wahagera

Ebola Ntirogorora Muri Afrika Y’Uburengerazuba


Umupfasoni ariko ageragerezwako urucandago rwa Ebola, muri Liberia
Umupfasoni ariko ageragerezwako urucandago rwa Ebola, muri Liberia

Kurwanya Ebola muri Afrika y’uburengerazuba bicyagoranye kubera gushyingura nabi imirambo y’abo yica no kunanirwa gutahura vuba abayandura. Ni OMS ibitangaza.

Ubusanzwe, nk’uko abaganga babitangamo inama, kugirango Ebola ihagarare gukwirakwira ni uko imirambo y’abo yishe igomba gushyingurwa n’abantu bambaye bikwije imyenda yabugenewe, ibarinda kwandura. Nyamara rero, nk’uko OMS ibitangamo urugero, mu cyumweru cya kabili cy’uko kwezi honyine, imirambo y’abazize Ebola 39 muri Guinea na 45 bose muri Sierra Lone yashyinguwe bisanzwe, ntawambaye imyenda imurinda.

Naho ku ngorane zo gutahura vuba abanduye Ebola, OMS iragira, iti: “Muri kiriya cyumweru cya kabili cy’uko kwezi, abantu 40 bamenye ko ari yo yabahitanye bararangije gupfa. Kuba bitaramenyekanye ko bayanduye hakiri kare kugirango bashyirwe mu kato, ni ikibazo gikomeye kuko bashobora kuba barasize baranduje abandi bantu batabarika.”

Muri Guinea, Liberia, na Sierra Leone bafashe ingamba zihambaye zo gutahura abakekwaho Ebola hakiri kare cyane. Nyamara rubanda bo ntibitabira ingamba zo kujya mu kato no gufatanya n’abanganga uko bikwiye, nk’uko OMS ibivuga. Ni yo mpamvu guhashya Ebola bikiri mu nzira ndende. Muri biriya bihugu bitatu, hatahuwe abandi bantu bamaze kwandura Ebola 128 mu cyumweru gishize.


XS
SM
MD
LG