Bubaye ubwa mbere, abategetsi b’Uburundi bemanze icese, bagatangaza kw’ibiziga vyatowe mu kwezi kw’umunani mu ruzi Rweru, vyavuye mu Rwanda. Mu ntango, abategetsi bo mu Burundi bavuga kw’ivyo biziga, atar’ivy’abarundi.
Yamara mu kiganiro umushikizizamanza kizigenza w’Uburundi , Valentin Bagorikunda yahaye abamenyeshamakuru hamwe n’ikiganiro yahaye Iradiyo Ijwi rya Amerika, yavuze kw’itohozwa ryakozwe ryashitse ku cemezo kivuga kw’ivyo biziga vyavuye mu Rwanda.
Iyo ngingo ubushakashatsi bwashitseko, niyo kandi n’amashirahamwe aharanira agateka ka zina muntu hamwe n’ibinyamakuru bitandukanye vyashitseko, nk’uko umushingantahe Bagorikunda abivuga.
