Murisanga

Abarundi batari bake bavuga kw’icegeranyo cashikirijwe n’umurwi w’igihugu ujejwe kumenya ukuri no kunywanisha Abarundi #CVR, kizotuma Abarundi bacanamwo. Yamara hari n’abavuga kw’ico cegeranyo ahubwo kizotuma bikebuka, bagashira imbere umutima w’abavandimwe. Ico cegeranyo cahavuye cemezwa n’inama shingamateka kivuga ko ubwicanyi bwabaye mu Burundi mu 1972 ari ihonyabwoko ryakorewe Abarundi bo mu bwoko bw’Abahutu. Muri Murisanga, twatumiye bamwe mu bakwirikiranira hafi politike yo mu Burundi, kugira bihweze inzira Abarundi bofata mu gutsimbataza ubumwe, amahoro n’iterambere.