Amakuru y'Akarere

Abaturage bahoze bafite amasambu ahahoze hubatse inkambi ya Gihembe mu karere ka Gicumbi mu majyaruguru y'u Rwanda ahari hacumbikiwe impunzi z’Abanyekongo barasaba gusubirana uburenganzira ku butaka bwabo kubera ko iyo nkambi itakiriho. Abakuru b'inteko zishinga amategeko mu bihugu by'Afurika bikoresha ururimi rw'Icyongereza bateraniye i Kigali mu Rwanda kuganira ku bubasha n'ubudahangarwa by'inteko bayoboye n'uko zakemura ibibazo bitandukanye birimo ibyatewe na Covid 19. Muri Republika ya Demokarasiya Kongo hubuye imirwano ikaze hagati y'ingabo za leta n'inyeshyamba. Abaturage bakomeje guhunga aho iyo imirwano ibera mu karere ka Bunagana bakajya ahandi mu gihugu abandi bakajya muri Uganda.