Perezida wa Reta Zunze Ubumwe za Amerika, Donald Trump, yifatiye mu gahanga uno musi ku wa gatatu inama nshingamateka afatiye ku matohoza abademokrate bariko bamukorako.
Amatohoza y'abademokrate bafise ibibanza vy'inshi mu nama nshingamateka ya Amerika ashimikiye ku matungo ya Perezida Trump no ku bo bakorana imirimo y’ubudandaji.
Perezida Trump yagirije Adam Schiff arongoye umurwi uriko umukorako amatohoza ko ata cemezo na kimwe afise cuko yakoranye n'Uburusiya mu guhuvya amatora yamushikanye ku butegetsi.
So now Congressman Adam Schiff announces, after having found zero Russian Collusion, that he is going to be looking at every aspect of my life, both financial and personal, even though there is no reason to be doing so. Never happened before! Unlimited Presidential Harassment....
— Donald J. Trump (@realDonaldTrump) 7 février 2019
Ku rubuga rwiwe rwa Twitter, Trump yongeye yandika ko abademokrate bataye umutwe, ivyo bariko baramukorera ataho vyakabaye. Yavyise " Ihohotera rya Perezida" yongera avuga ko vyari bikwiye gucika umugani.
PRESIDENTIAL HARASSMENT! It should never be allowed to happen again!
— Donald J. Trump (@realDonaldTrump) 7 février 2019
Abademokrate bashikiriye amabanga y’ukuyobora inama nshingamateka mu kwezi kwa mbere inyuma yo gutsindira ibibanza vyinshi muri urwo rwego, ruvuga ko rukeneye kumenya isoko y'ubutunzi bwose bwa Trump.