Mu Rwanda Minisitiri w’Intebe Dr Edouard Ngirente, yatangaje ko nyuma y'aho Leta imariye kwiyemeza gukingira COVID-19 abangavu n’ingimbi barengeje imyaka 12, abazakingirwa bageze kuri miliyoni 9 bavuye kuri miliyoni zirindwi.
Minisitiri w'intebe yabibwiye abagize Inteko Ishinga Amategeko imitwe yombi mu kiganiro yabagejejeho ku bikorwa na Guverinoma y’u Rwanda mu guhangana n’icyorezo cya Covid-19.
Yavuze ko kugeza ubu u Rwanda rumaze kwakira inkingo za Covid 19 zigera kuri Miliyoni 12, harimo izatanzwe mu bufatanye bwa Covax, izaguzwe na Leta y’u Rwanda ndetse n’izatanzwe mu buryo bw’imfashanyo.
Assumpta Kaboyi, umunyamakuru w'Ijwi ry'Amerika i Kigali mu Rwanda yabikurikiye arabibagezaho mu nkuru irambuye
Your browser doesn’t support HTML5
Umubare w'Abazakingirwa Covid 19 mu Rwanda Warazamutse