Muri Leta zunze ubumwe z’Amerika ikigo gishinzwe ubumenyi no gukurikiranira hafi ibyerekeye Serwakira, kiratangaza ko biteganyijwe ko imvura ivanze n’umuyaga mwishi yahawe izina rya ‘Debby’ iri bwiyongere umuvuduko n’ingufu bikabyara Serwakira.
Iki kigo kiravuga ko muri uyu mwaka hateganijwe kuzabaho serwakira zigera kuri 25 zirimo izikomeye ziri hagati y’enye n’indwi.
Muri Leta ya Florida iri mu majyepfo y’uburasirazuba bw’Amerika batangiye kwitegura guhangana n’ingaruka z’iyi serwakira ihategerejwe. Abasirikare 3000 bashinzwe ubutabazi boherejwe mu bice binyuranye.
Birateganywa ko iyi serwakira nimara kugera ku butaka izahita icika intege ariko noneho ikazana imvura nyinshi uko izagenda yerekeza hagati muri Leta ya Florida mbere yo kugera muri leta ya Georgia na South Calorina mu cyumweru gitaha.