Umuforomakazi wa Croix Rouge Yaranyurujwe i Mogadishu

Umuforomakazi w’Umudagi akorera ishirahamwe mpuzamakungu ritabara imbarare Croix Rouge, yaranyurujwe ku murwa mukuru Mogadishu, muri Somaliya.

Icegera c’umuyobozi wa Croix Rouge muri Somaliya, Daniel O'Malley yamenyesheje ko uwo mukozi wabo yanyurujwe kuri uyu wa gatatu mu ma sambiri z’umugoroba, mu masaha yo muri Somaliya, n’abagabo bitwaje inkoho binjiye mu kigo ca Croix Rouge i Mogadishu.

Croix Rouge imenyesha ko iriko iravugana n’abategetsi batandukanye ba Somaliya kugira barabe ko uwo mukozi wabo yorekurwa.