Uko wahagera

Zimbabwe: Umugore wa Visi Perezida Aregwa Gutegura Kumwica


Constantino Chiwenga na Madamu wiwe

Umugore wa Visi Perezida wa Zimbabwe araregwa gushaka kwica umugabo we. Mary Chiwenga, wahoze ari umunyamideli akaba n’umugore wa Visi Perezida Constantino Chiwenga, yagejejwe imbere y’urukiko rw’i Harare kuri uyu wa mbere. Aranaregwa ibyaha by’iyezandonke n’ubucuruzi bwa magendu.

Ararekwa kuba yarashatse gutsinda umugabo we muri Afurika y’Epfo mu kwezi kwa karindwi. Impapuro z’ibirego zimushinja zivuga ko yashatse gutambamira ubuvuzi ku mugabo we ashaka kumugumisha muri Hotel aho kumujyana mu bitaro, kandi yarajyanywe ikitaraganya muri Afurika y’Epfo kwivuza arembye.

Urupapuro rw’ikirego rukomeza ruvuga ko abashinzwe umutekano we bahatirije bamujyana mu bitaro ariko italiki 8 z’ukwa karindwi umugore we akajya ku bitaro guheza abashinzwe umutekano w’umugabo we.

Asigaye wenyine n’umugabo muri icyo cyumba, uwo mugore, mu buryo butemewe n’amategeko, yacomokoye umuheha wa serumu ihabwa umurwayi acomokora n’undi muheha unyuzwamo amaraso n’imiti mu buryo bwihuse bwo kuramira indembe. Icyo gihe, Chiwenga ngo yahise avirirana, umugore amushushubikana ku gahato ashaka kumukura mu bitaro ariko abashinzwe umutekano baramutesha.

Nyuma uwo muyobozi yajanywe mu Bushinwa avurirwayo mu gihe cy’amezi ane agaruka muri Zimbabwe. Mary Chiwenga anaregwa kunyereza miliyoni y’Amadolari y’Amerika yishyuye ibicuruzwa muri Afurika y’Epfo ariko bitigeze byinjira muri Zimbabwe. Kuva umugabo we agarutse mu gihugu ntarongera kumugera iruhande.

Facebook Forum

XS
SM
MD
LG