Uko wahagera

Virusi ya Corona Imaze Kugera mu Bihugu Birenga 40 by’Afurika


Umubare w’ibihugu by’Afurika birimo gufata ingamba zikaze zo guhangana na virusi ya Corona uragenda wiyongera.

Bimwe bifite ubwoba ko iyo virusi ishobora kuzabyibasira. Cyakora impuguke zivuga ko byagaragaje ingufu mu guhangana n’iyo ndwara.

Afurika y’Epfo, Senegali na Cote d’Ivoire ni bimwe mu bihugu by’Afurika biherutse gutangaza ingamba zo guhagarika COVID-19. Muri izo harimo gucibwa akayabo k’amande ku bazarenga ku mabwiriza.

Virusi ya Corona, kugeza ubu imaze kugera mu bihugu birenga 40 by’Afuruka. Afurika y’epfo ni yo iza kw’isonga mu bifite umubare munini w’abanduye. Cyakora uwo mubare uracyari muto ugereranyije no muri Asiya, Ubulayi n’Amerika.

Ariko impuguke zifite ubwoba ko ibyo bishobora guhinduka. Basanga kuba inzego z’ubuvuzi zijegajega, ubukene, ubucucike bw’abaturage mu mijyi minini hamwe n’umutekano muke, bishobora gutuma iki kibazo cy’ubuzima kiba ingorabahizi.

Bagira inama Afurika kuba maso, igahagurukira iki cyorezo mu maguru mashya. Ikitegura ko ibintu bishobora kuba nabi, kugira ngo izabashe kugitsinda.

Facebook Forum

XS
SM
MD
LG