Uko wahagera

USA: Imyaka 100 Irarumanye Abirabure 300 Bagandaguwe n'Abazungu


Imwe mu nzu y'umwirabure yaturiwe n'abazungu mu 1921

Uyu munsi, Leta zunze ubumwe z'Amerika irizirikana imyaka ijana ishize habaye ubwicanyi bwahitanye abirabura bagera kuri 300 mu mujyi wa Tulsa, muri leta ya Oklahoma, iri mu majyepfo y'igihugu.

Ku itariki ya 31 y'ukwezi kwa gatanu no ku ya mbere y'ukwa gatandatu mu 1921, imbaga y'abazungu biraye mu birabura i Tulsa barayogoza. Bishe, batarobanura, abato n'abakuze bagera kuri 300, barasahura, batwika amazu n'amaduka birenga igihumbi. Abirabura barenga ibihumbi icumi barokotse basigaye ku gasi, batagira aho bakinga umusaya.

Abapolisi b'umujyi wa Tulsa, bose bari abazungu icyo gihe, nabo bafashije igitero, baha imbunda n'amasasu abakigabye, kandi nabo ubwabo barasa Abirabura.

Ubu bwicanyi bwatewe n'impuha zavugaga ko umusore w'umwirabura w'imyaka 19 yafashe ku ngufu umukobwa w'umuzungukazi w'imyaka 17. Ejo kuwa kabiri, Perezida Joe Biden azagenderera Tulsa mu rwego rw'imihango yo kwibuka ubwicanyi bwo mu 1921.

Facebook Forum

XS
SM
MD
LG