Uko wahagera

Urukingo rwa Covid-19 Rwaba Rugiye Kuboneka?


Umushakashatsi uri mu bikorwa byo guhiga urukingo rwa Covid-19
Umushakashatsi uri mu bikorwa byo guhiga urukingo rwa Covid-19

Amatsinda y'abashakashatsi bahiga urukingo rwa Covid-19 baravuga ko inkingo nyinshi zigeze mu gihe cy'igerageza rya nyuma.

Ikigo gikora imiti cyitwa AstraZeneca gihuriweho n'Abongereza n'Abasuwisi, cyavuze ko igerageza rya nyuma ry'izi nkingo muri Amerika rizakorerwa ku bantu bakuze bagera ku 30,000 bakomoka mu moko yose kandi baturuka mu bice bitandukanye by'isi.

Urukingo rwakozwe n'ikigo cya Leta gishinzwe ubuzima muri Amerika rukanonosorerwa mu kigo cya Moderna Inc gikorera muri Amerika, narwo rurageragerezwa ku bantu benshi.

Hari kandi urwakozwe n'ikigo Pfizer Inc gifite icyicaro gikuru i New York; n'urw'ikigo BioNtech cyo mu Budage. Ikigo AstraZeneca cyavuze ko urukingo rwa Covid-19 cyakoze rurimo kugeragerezwa muri Brazil, Afurika y'Epfo, n'Ubwongereza. Irindi gerageza ryarwo rikakorerwa mu Buyapani no mu Burusiya.

Kugira ngo inkingo nk'izi zemezwe burundu, bigomba gukoranwa ubwitonzi kandi bigakoranwa ubuhanga kuko zigeragerezwa ku bantu bafite ubuzima buzira umuze.

Facebook Forum

XS
SM
MD
LG