Uko wahagera

Urukingo rwa Covid-19 Ruzatangwa Mu kwa Cumi na Kumwe


Umukorerabushake wemeye kugeragerezwaho urukingo rwa Covid 19

Ikigo cya Leta zunze ubumwe z'Amerika gishinzwe gukumira no kurwanya indwara kiremeza ko cyatangarije abakozi bo mu by'ubuvuzi muri za Leta 50 zose z'Amerika no mu mijyi minini ko bakwiriye kwitegura gutanga urukingo rwa virusi ya corona taliki ya mbere y'ukwa 11.

Hazaba hasigaye iminsi ibiri ngo Amerika yinjire mu matora y'umukuru w'igihugu. Umuyobozi mukuru w'icyo kigo Dr. Robert Redfield ni we woherereje urwandiko ruvuga ayo makuru ku bakozi bose bo mu bitaro bya Leta muri Amerika no mu mijyi ya New York, Chicago, Philadelphia, Houston na San Antonio.

Abakora mu by'ubuvuzi, abashinzwe umutekano, n'abandi bakozi b'ingenzi ni bo bazabimburira abandi mu guhabwa urwo rukingo nkuko bitangazwa n'ikinyamakuru The New York Times cyandikirwa hano muri Amerika.

Umuyobozi w'ikigo cy'Amerika gishinzwe kurwanya indwara zandura yari aherutse kuvuga ko yizeye ko mbere y'uko umwaka urangira hazaba habonetse urukingo rukora kandi rwizewe rw'ikiza cya Covid 19.

Abandi bakozi bo mu by'ubuvuzi bagaragaje impungenge ko kwihutisha urwo rukingo bitaremezwa ku buryo budasubirwaho bishobora gutera ibibazo bikanatuma abantu batinya kurwitabira. Abandi baravuga ko gutangira kurukwirakwiza nonaha bishobora guca intege ubundi bushakashatsi bumaze igihe butangiye kandi bushobora gutanga izindi inkingo z'iki cyorezo zishobora no kuba nziza kuruta urwabanje

Facebook Forum

XS
SM
MD
LG