Uko wahagera

Uruhigi rw'Abanyagihugu Batoroste Akato muri Malawi na Zimbabwe


Muri Zimbabwe, umuvugizi wa polisi y'igihugu, Paul Nyathi, yatangaje ko barimo bashakisha n'ingufu abanegihugu barenga ijana bacitse ibigo barimo mu kato k'iminsi 21 y'itegeko ku bantu bose bava mu mahanga. ati: "Bigiriye mu giturage iwabo. Turasaba abaturage kwanga kubacumbikira kuko bashobora kwanduza imbaga."

Muri iki cyumweru, Zimbabwe yapimye abantu 75 bashya bafashwe na virusi ya Corona. Hafi ya bose bari mu bigo by'akato bashyizwemo bavuye mu bihugu by'abaturanyi nk'Afrika y'Epfo na Botswana.

Muri Malawi, abanegihugu barenga 400 batahuwe bava cyane cyane muri Afrika y'Epfo batorotse stade barimo mu kato mu murwa mukuru w'ubukungu Blantyre. Byibura 46 muri bo banduwe virusi ya Corona nk'uko inzego z'ubuvuzi zibitangaza. Polisi irabahiga cyane bose uko 400 barenga.

Zimbabwe na Malawi bavuga ko bose hamwe batarengeje abantu 200 banduye virusi ya Corona. Ariko bahorana impungenge z'uko abenegihugu babo bagenda bagaruka bajya gushaka akazi muri Afrika y'Epfo bashobora kuyizana bakanduza abandi benshi.

Afrika y'Epfo ni yo ifite abantu benshi banduye virusi ya Corona ku mugabane w'Afrika. Barenga ibihumbi 25, ku bihumbi 125 by'Afrika yose

Facebook Forum

XS
SM
MD
LG