Uko wahagera

Umwiyahuzi Yiturikirijeho Igisasu i Mogadishu Gihitana Abantu 7


Abashinzwe umutekano bageze aho umwiyahuzi yaturikirije igisasu giteze mu modoka. Yari mu muhanda uri hafi y'urugo rw'umukuru w'igihugu i Mogadishu, Somaliya, taliki 25/9/2021.
Abashinzwe umutekano bageze aho umwiyahuzi yaturikirije igisasu giteze mu modoka. Yari mu muhanda uri hafi y'urugo rw'umukuru w'igihugu i Mogadishu, Somaliya, taliki 25/9/2021.

Inzego z'ubutegetsi muri Somaliya ziravuga ko kuri uyu wa gatandatu umwiyahuzi yiturikirijeho igisasu cyari giteze mu modoka gihitana abantu barindwi i Mogadishu mu murwa mukuru, mu isangano ry'umuhanda uri hafi y'urugo rw'umukuru w'igihugu.

Komiseri w'akarere kitwa Hamarjajab, Muawiye Mudeey, yabwiye ibiro ntaramakuru by'Abongereza, Reuters, ko icyo gisasu cyakomerekeje abandi bantu umunani.

Kugeza ubu uwateze iki gico ntaramenyakana, ariko umutwe wa al Shabab ushaka guhirika ubutegetsi no gushimangira isobanuramategeko rya Kisilamu, ni wo ukunda gutega ibisasu nk'ibi.

Uwabonye uko byagenze yabwiye ibiro ntaramakuru by'Abongereza, Reuters, ko yabonye imodoka 7 n'amagare atwara abagenzi atatu biturikanwa n'icyo gisasu. Avuga ko yahise abona imivu y'amaraso itemba aho cyaturikiye.

Facebook Forum

XS
SM
MD
LG