Uko wahagera

Umwiyahuzi w' Umwana w'Umukobwa Yahitanye 3 muri Nijeriya


Ikarata y'ahaherereye Maiduguri

Muri Nigeria, abana b’abahungu batatu bahitanywe n’umwana w’umukobwa uri mu kigero cy’imwaka 12 y’amavuko witurikije n’ibisasu yari yambariyeho. Bari mu kibuga ku ishuli biga Korowani ejo ku mugoroba ahitwa Muna Dalti, mu nkengero z’umujyi wa Maiduguri, umurwa mukuru wa leta ya Borno, mu majyaruguru ya Nigeria.

Inzego z’umutekano ziratunga agatoki umutwe wa Boko Haram ko ari wo waba uri inyuma y’iki gitero. Babwiye ikigo ntaramakuru AFP cyo mu Bufaransa ko abandi bana b’abahungu bane bakomeretse.

Nk’uko babisobanura kandi, uwo mwana w’umukobwa yari yazanye n’undi wo mu kigero cye. Batandukaniye aho hafi, uwa kabili yinjira mu rugo rumwe, yinjira mu nzu nawe arituritsa n’ibisasu nawe yari yambariyeho. Umuntu umwe yarakomeretse. Amahirwe ngo ni uko abandi bari hanze baganira n’abaturanyi.

Aba bana b’abakobwa bombi uko ari babiri nabo barapfuye.

Facebook Forum

XS
SM
MD
LG