Jenerali Abdel Fattah al-Burhan, utegeka Sudani yirukanye mu mirimo yabo ba ambasaderi b'igihugu cye batandatu bamaganye kudeta ye.
Mu itangazo ryatambutse kuri televiziyo ya leta, Jenerali al-Burhan yasezereye ba ambasaderi bahagarariye Sudani muri Leta zunze ubumwe z'Amerika, mu Bubiligi n'Umuryango w'Ubumwe bw'Ubulayi, mu Bushinwa, muri Qatar, mu Bufaransa, no mu Muryango w'Abibumbye i Geneve mu Busuwisi.
Aba ba ambasaderi bari bashyize ahagaragara itangazo rimwe bose bashyizeho umukono bamagana kudeta ya General al-Burhan. Mu kiganiro kihariye ambasaderi Nureldin Satti, wari uhagarariye Sudani i Washington, yasobanuye ko "we na bagenzi be biyemeje kurwanya agatsiko k'abasilikare kigaruriye ubutegetsi i Khartoum, bafatanyije n'Abanyasudani baba mu mahanga."
Facebook Forum