Umuryango w’ubumwe bwa Afrika wiyemeje uno musi ku wa mbere ku kwongereza utwigoro tw’uguhagarika uruhagarara ruri mu gihugu ca Libya hamwe n’ugushigikira umugambi w’amahoro ucumbagira ushigikiwe n’ishirahamwe mpauzamakungu ONU.
Igihugu ca Libiya carageramiwe n’ugutana mu mitwe hagati y’impande zitwaje ibirwanisho zidacana uwaka kuva umugumuko wari ushigikiwe n’ishirahamwe ry’ukwivuna abansi ry’ibihugu vyo mu buraruko bw’ibahari OTAN, mu mwaka w’i 2011 uhitanye ubuzima bw’umutegetsi yatwaza agahotoro, Muammar Khadafi.
Yamara ubuyobozi bw’umuryango w’ubumwe bwa Afrika bwaridoze mu kuvuga ko bwirengangijwe mu twigoro tw’ukugarukana amahoro muri Libiya. Utwo twigoro twayobowe cane cane n’ishirahamwe ONU hamwe n’ibihugu vy’i Bulaya.
Facebook Forum