Umunyamakuru ukorera ijwi ry'Amerika muri Kameruni aravuga ko yaraye atotejwe na polisi ikanamufatira ibikoresho bye by'akazi i Yaounde mu murwa mukuru w'icyo gihugu.
Moki Edwin Kindzeka usanzwe anakorera na televiziyo y'icyo gihugu, aravuga ko polisi imaze kumuta muri yombi, hamuhatiye kuvuga mu rurimi rw'igifaransa. Ikinyamakuru Timescape Magazine cyandikirwa muri icyo gihugu kiravuga ko Abanyakameruni benshi bo mu karere gakoresha ururimi rw'icyongereza batawe muri yombi ku munsi w'ejo bagategekwa kuvuga igifaransa.
Ubushyamirane bushingiye ku ikoreshwa ry'indimi z'icyongereza n'igifaransa muri kameruni bwatangiye mu mwaka wa 2016 abakoresha icyongereza bashaka ubwigenge bw'intara yabo. Igisirikare cya Kameruni cyahise gihagurukira kurwanya abigometse ku butegetsi.
Ubu bushyamirane bumaze guhitana abantu barenga 3,200 muri icyo gihugu mu gihe abarenga 500,000 bakuwe mu byabu nkuko Umuryango w'Abibumbye ubitangaza.
Facebook Forum